Իգնատիոս Խաչատրյան

Վիքիպեդիայում կան հոդվածներ Խաչատրյան ազգանունով այլ մարդկանց մասին։

Իգնատիոս Խաչատրյան
Ծնվել է	1710 Ստամբուլ, Օսմանյան կայսրություն
Մահացել է	1780
Մասնագիտություն	բառարանագիր

Իգնատիոս Խաչատրյան (1710, Ստամբուլ, Օսմանյան կայսրություն - 1780), հայ բառարանագիր։

Կենսագրություն

Ծնվել է Կ. Պոլսում։ Կրթությունն ստացել է Վենետիկի Մխիթարյանների Ս. Ղազար վանքում, դարձել այդ միաբանության անդամ։

Կազմել է «Բառարան յատուկ անուանց, որք գտանին այլևայլ գիրս արտաքոյ աստուածաշունչ գրոց» բառգիրքը, որը տպագրվել է 1749 թվականին Մխիթար Սեբաստացու «Բառգիրք Հայկազեան լեզուի» աշխատությունում և պարունակում է 4500 անուն։ Մասնակցել է «Բառգիրք ի գրաբարէ աշխարհաբար» բառարանի կազմմանը։ Ստեղծել է աշխարհացույց քարտեզների մի քանի տախտակներ, որոնցից երկուսը նրա փորագրությամբ տպագրվել են Մխիթար Սեբաստացու վերոհիշյալ բառարանի Բ հատորում (Վենետիկ, 1769) և լույս են տեսել նաև առանձին։